Drejtuesi Politik i PS për Qarkun e Elbasanit, Taulant Balla, vijoi dëgjesat publike me banorët e Njësisë Administrative Funar në kuadër të procesit, qe po zhvillohet në të gjithë vendin për bashkëqeverisje me qytetarët.
Duke ritheksuar edhe një herë premtimet e fushatës, si fjalë e dhënë që do të realizohet, Balla kërkoi nga banorët e Funarit të bëjnë me dije çdo problematikë dhe çdo mungesë shërbimi që hasin në secilën zyrë të shtetit.
“Të dashur miq, fjalën bashkëqeverisje me njerëzit nuk e kemi për fasadë, por e besojmë tërësisht. Nëse nuk bashkëqeverisim me njerëzit, ne rrezikojmë të përfundojmë më keq seç përfundoi PD në 25 qershor.
Një nga kurthet më të vështira dhe më të këqija për partitë politike është pikërisht shkëputja e kontaktit me njerëzit. Por, duhet edhe njerëzit t’i thonë troç gjërat e të drejtojnë gishtin”.
Banorët e Funarit gjatë bisedës së tyre me deputetin Balla theksuan domosdoshmërinë e mbajtjes së premtime të fushatës, pasi ishin këto premtime dhe programi i PS që siguruan fitoren bindëse të kësaj të fundit në zgjedhjet e 25 qershorit.
