Pas fjalës së kreut të opozitës Lulzim Basha, është përgjigjur kreu i grupit parlamentar Taulant Balla. Në fjalën e tij Balla deklaroi se Basha di vetëm të gënjejë dhe nuk di t’i dali problemeve ballë.
“Basha di vetëm të gënjejë, nuk di t’u dalë problemeve përballë.
Ti i je fshehur drejtësisë si askush tjetër për skandalin e rrugës Durrës-Kukës, je fshehur me raporte mjekësore.
Nga Holanda ke mësuar vetëm fjalën kanabis”, tha Balla.
“Si mund të jesh kaq gënjeshtar, pasi Klement Balili nuk ka lidhje me Partinë Socialiste. Është i LSI-së.
Nuk ka asnjë lidhje me ne, mos gjënje më.
Nipi i Balilit është kryetbashkiaku i Delvinës i propozuar nga LSI.
Apo se LSI sot është në krahun tuaj ky qenka sot i PS. Jo, nuk ka lidhje fare me PS.
Dhe Lulzimi erdhi këtu e hodhi të njëjtat akuza.
Mund ta pranonim përgjegjësinë kur ishim në koalicion me LSI, por jo sot.
Të njëjtën gjë bëre me Agron Kapllanaj, pasi po mban në detyrë një kryebashkiak të korruptuar dhe të dënuar me vjedhje.
Agron Kapllanaj preket nga ligji i dekriminalizimit, nuk ka gjë që e shpëton, por e shpëtoi urdhri i Bashës përmes Klement Zgurit.
4 anëtarë të KQZ dhe për turp edhe ai i LSI-së, mbajtën në detyrë një kryebashkiak të akuzuar, arrestuar dhe dënuar për vjedhje makinash e shtëpish në Itali.
S’i nuk ju vjen turp që flisni për kriminelë kur keni kriminelë në parti?
Doni zgjedhje, hajdeni ta provojmë në Mallakstër, ne të vetëm, ju të gjithë bashkë”, tha Balla.
ma.me
