Kryetari i grupit Parlamentar të Partisë Socialiste ka hedhur poshtë deklaratat e kryetarit të PD-së, Lulzim Basha, se Gjermania është kundër çeljes së negociatave të Shqipërisë.
Duke iu referuar debatit sot në Kuvendin e Shqipërisë, Balla shprehet se “Kryetari i Partisë Demokratike, Lulzim Basha bërtiti me të madhe se qeveria gjermane qenka kundër çeljes së negociatave, ku e dëgjoi ai këtë, apo njësoj si “babalja”, ka filluar të shpikë e krijojë skenare?”
“Por qeveria gjermane sot është promotorja e mbështetjes për hapjen e negociatave”, – thekson Balla.
Duke iu referuar hapjes së negociatave dhe qëndrimit të PD-së, Balla shprehet se opozita po bën çdo gjë për të bllokuar negociatat.
“Basha kërkon me çdo kusht të pengojë negociatat, kërkon me çdo kusht të prishë imazhin e Shqipërisë, por nuk kupton se në këtë mënyrë dita-ditës kjo panoramë që opozita po krijon, degradon vetë PD. Kjo situatë e krijuar nuk i bën aspak mirë imazhit të Shqipërisë, por një gjë është e sigurt që edhe pse opozita po bën çdo gjë për të bllokuar negociatat, kjo përpjekje s’ka arritur aspak të dëmtojë këtë proces kaq të rëndësishëm”, – tha ai.
Më tej, Balla shton se keqardhje që javë pas jave populli duhet të shohë skenare të tilla nga foltorja e Kuvendit, teatro e shfaqje të cilat opozita nuk harron t’i verë në skenë çdo të enjte tashmë.
“Jemi në atë sallë për të përfaqësuar popullin, për të miratuar e hartuar ligje dhe jo për të krijuar konflikte mes njëri-tjetrit. Por me sa duket Partia Demokratike, e cila po degradon ditë pas dite, ka harruar se cili është funksioni i saj, ka harruar çfarë është demokracia, ka harruar se çfarë është parlamentarizmi”, shprehet Balla në “Facebook”. /b.d
