Sekretari i përgjithshëm i PS, Taulant Balla ka reaguar përmes një deklarate për mediat pas akuzave të kryetarit të opozitës, Lulzim Basha lidhur me kapjen e 3.4 milionë eurove.
Balla deklaroi se nuk ka asnjë njohje me personat e arrestuar, ndërsa shtoi se këtë e thotë me përgjegjësi të plotë penale.
“Nëse kam lidhje me 3.4 mln eurot më bëni gjyqin në sheshin “Skënderbej”, deklaroi Balla
Balla deklaroi se operacioni u dekonspirua nga një pjesëtar i SHISH, ndërsa paralajmëroi Bashën se do nxjerrë disa fakte për lidhjet e tij me disa prej të arrestuarve.
“Akuzat e Bashës, të gjithë qeshën në Kuvend. Deklarata e policisë së shtetit ishte shteruese përsa i përket personave të arrestuar dhe atyre në kërkim. Policia të vazhdojë me aksione të tilla. Ka pasur rrjedhje informacioni tek një person i papërgjegjshëm që quhet Lulzim Basha. Basha për pak vuri në rrezik operacionin, por për fat të mirë aksioni u finalizua. Që Taulant Balla nuk ka asnjë lidhje me asnjërin prej tyre, ju deklaroj me përgjegjësi penale, jo vetem me mandatin e deputetit, por jami gati të më bëhet gjyqi në sheshin Skëndërbej. Kam bërë disa hetime, dhe rezulton se Basha ka lidhje me personat e arrestuar. Do i publikoj të enjten në parlament. Do kemi surpriza për Bashën. Këtë histori do ia kthej në një mësim ekzemplar këtij shejtan-budallai”, deklaroi Balla
Balla deklaroi se PD vazhdon të paguajë para për t’i nxirë imazhin Shqipërisë, tre ditë para vendimit për negociatat.
“Basha i ka dërguar dje letër anëtarëve të Bundestagut gjerman“, tha Balla
Balla paralajmeroi se do përballet me Bashën në gjykatë
Javanews.al/a.ç
