Kryetari i Grupit të PS Taulant Balla ka reaguar lidhur me ekstradimin e Izet Haxhisë. Ai tha se jemi para një procedure tërësisht ligjore për ekstradimin e një personi të dënuar për një ngjarje të rëndë. Ai tha se kanë qenë ish-ministrat e PD që kanë çelur procedurat dhe kanë dhënë aso kohe garanci për rigjykim.
Balla tha se “çjerrja e Berishës mund të lidhet me ekstradimin e Haxhisë.
“Izet Haxhia është një person i dënuar nga gjyqësori shqiptar, dhe në zbatim të një procedure, për të cilën besoj që mediat e kanë bërë me dije, jam prej deputetëve që e kam ndjekur prej vitit 2006, dhe kujtoj që ka qenë ministri Bumçi. Më pas ka qenë ministri Rusmali që ka dhënë garancinë që me rikthimin në Shqipëri të zotit Haxhia do kishte rigjykim. Më pas ka qenë një procedurë e zotit Alibeaj që zoti Haxhia pas ekstradimit do përfitonte edhe të drejtën e rigjykimit”, tha Balla./a.m.
