Kryetari i Grupit Parlamentarë të Partisë Socialiste, Taulant Balla, tha mbrëmjen e së premtes se viti 2020 do jetë një vit sfide për qeverinë shqiptare, do të jetë viti i rindërtimit të banesave të dëmtuara nga tërmeti i 26 nëntorit.
Deklaratat e Ballës u bënë në panelin e emisionit “Java në RTSH” me analistët Preç Zogaj e Lorenc Vangjeli.
“2020 është një vit i rëndësishëm dhe kemi një sfidë të madhe përpara është se çdo shqiptarë dhe shqiptare që sot është në një hotel, çadër, apo shtëpi me qira për shkak të tërmetit të 26 nëntorit, dua që Krishtlindjet e ardhshme dhe festën e ardhshme të vitit të ri t’i gjej në shtëpi”-, theksoi Balla.
