Kreu i grupit parlamentar socialist, Taulant Balla, gjatë fjalës së tij në Kuvendin e Shqipërisë, ka ironizuar opozitën, teksa këta të fundit kanë kërkuar një qëndrim nga Parlamenti shqiptar pro ndërhyrjes së SHBA në Irak.
Balla tha se kryeministri Edi Rama është shprehur qartë dhe prerë se vendi ynë është në mbështetje të plotë të aleatëve tanë strategjikë, Shteteve të Bashkuara të Amerikës.
Më tej komentoi protestën e opozitës, duke thënë se në momentin që SHBA godiste Iranin, protestuesit sulmonin godinat në vend.
Pjesë nga diskutimi:
Balla: Ndërkohë që SHBA dhe Izraeli godisnin objektivat e regjimit të ajatollahëve, ajatollahu i fundit në Europë ju urdhëronte ju dhe ata që ju vinin nga mbrapa të sulmonin godina.
Ndërhyn Ina Zhupa.
Balla: Ina, nuk ke pse bërtet ti, se në atë godinë nga të gjithë këtu vetëm Saliu ka qenë brenda. Askush nga ne s’e kishte në ëndërr të hynte në atë godinë. I vetmi që mund të hynte brenda dhe të ngrohej pranë zjarrit bubulak të familjes së diktatorit ishte ajatollahu në krye të partisë suaj. Hipokrizia më e madhe është se ditën që kemi planifikuar foltoren për qytetarët, ju e keni braktisur për të shkuar diku ku të gjithë bashkë nuk bëheni as 70 veta. Sot është dita që dikush në emër të PD-së, në linjë me grupin e PPE-së, e ka thënë qartë përmes McAllister se duhet të distancoheni nga dhuna.
