Nënkryetari i grupit parlamentar të Partisë Socialiste, Taulant Balla deklaroi sot se opozita e ka humbur kauzën e saj të protestës.
Në një deklaratë për shtyp nga kryesisa e Kuvendit, Balla u shpreh se protesta e opozitës u mblodh për zgjedhje të lira e të ndershme. Por, tha ai, sot e harruan kauzën, pasi po protestojnë për një qeveri imagjinare.
“Më 18 qershor qytetarët do të thirren për të votuar dhe PS është e bindur se do të rikonfirmohet në këto zgjedhje si forcë e parë”, tha Balla.
Gjithashtu ai deklaroi se pa procesin e vetting-ut dhe pa reformën në drejtësi vendi nuk mund të ecë përpara në proçesin e integrimit në BE.
“Ata drejtues të PD që e kanë lidhur të ardhmen e tyre kundër reformës në drejtësi duhet të kuptojnë se po punojnë kundër reformave. Parlamenti po punon normalisht në komisionet e përhershme”, tha ai.
Duke ironizuar mënyrën e të protestuarit nga opozita, ai tha se “nuk ka sens të protestosh kunder varferise, ndërsa ha pica dhe hedh valle”. /b.d
