Në kuadër të 25 vjetorit të krijimit të Partisë Socialiste dhe procesit të zgjerimit të anëtarësisë së saj, deputeti i PS-se, Taulant Balla, ka pohuar se synimi është me 150 mijë anëtarë, ndërsa janë pranuar 400 antarë të rinj në Peqin.
Deputeti i Partisë Socialiste, Taulant Balla, i shoqëruar nga deputeti Anastas Angjeli, kanë marrë pjesë sot në një takim me drejtuesit politike të zonës në Peqin, ku u anëtarësuan rreth 400 anëtarë të rinj.
Balla në fjalën e tij tha se “Sot është një ditë e veçantë, sepse po t’i hedhësh një sy shifrave përsa i përket anëtarësimeve të reja, është përqindja më e mirë në nivel qarku dhe ndoshta ndër më të mirat në nivel kombëtar. Anëtarësia e PS pothuajse është dyfishuar. Madje po të marrim si shembull qytetin e Peqinit, anëtarësia është 150 për qind më e lartë nga ç’ishte më parë. Ky është një fakt tepër pozitiv, por sigurisht jemi veçse në fazën e parë të këtij procesi. Për ne është shumë e rëndësishme që ky proces anëtarësimesh të reja të vazhdojë. Ju të gjithë jeni në dijeni që, para dy javësh ne mbyllëm procesin e rëndësishëm të përzgjedhjes së delegatëve per ne kongres”.
