Kryetari i Grupit të Partisë Socialiste, Taulant Balla në përfundim të paraqitjes së kërkesës së socialistëve për shkarkimin e Presidentit Meta, ka thënë se kreu i shtetit ka sulmuar me gjuhë të padenjë Parlamentin dhe ligjvënësit.
Balla ka deklaruar se Kuvendi nuk intimidohet nga gjuha e padenjë e Presidentit.
Ndërkohë që socialisti i ka bërë thirrje Metës që këto ditë që do të qëndrojë në detyrë të mos e ulë rolin dhe të mos i turpërojë shqiptarët.
“Është e qartë që nëse kërkesa do të marrë 94 vota e më lartë, do ti shkojë për vlerësim Gjykatës Kushtetuese, që ka pikërisht përgjegjësinë që do të thotë fjalën e fundit për të gjykuar këtë vendim të parlamentit.
Me këtë rast i kujtojmë zotit Ilir Meta kërkesën e bërë në drejtim të tij, përmes rezolutës së miratuar të enjten, lidhur me nevojën urgjente për të reflektuar në funksion të detyrës së lartë dhe respektimit të kushtetutës. Kemi vënë re që ai nuk ka reflektuar, por ka sulmuar me një gjuhë të padenjë për institucionin e lartë që Presidenti përfaqëson.
Kuvendi as intimidohet, nga askush, por i kujton zotit Ilir Meta, as ai dhe as ata që e braktisën Kuvendin duke djegur mandatet dhe pastaj tentuan ta djegin me flakadanë të dëshpërimit të tyre, s’kanë asgjë tjetër në dorë përveç se nivelin e dinjitetit të tyre.
Për sa kohë që është ende President, zoti Ilir Meta duhet të mos të na turpërojë të gjithëve, duke mos e ulur nivelin e Presidencës së tij në kufirin e minimal të etikës shtetërore, sa herë që i jepet mundësia të hap gojën”, theksoi Balla.
g.kosoavri
