Deputeti socialist Taulant Balla tha se opozita nuk e do reformën në drejtësi, pasi e ka hallin tek gjyqtarët e korruptuar, me të cilët është bërë palë.
“Të gjithë e dinë që ka plot gjyqtarë të korruptuar, por ka një pjesë këtu në sallë që me këta gjyqtarë të korruptuar bën pazare çdo ditë. Ja thatë qytetarëve shumë qartë, që ju hallin e madh e keni tek gjyqtarët e korruptuar tek ata që keni emëruar edhe me para, por më shumë se me para i keni emëruar për ti garantuar se nëse shkoni përpara sistemit të drejtësisë ata të jenë në anën tuaj. Përse mos ta dekriminalizojmë sistemin gjyqësor, përse jeni kundër verifikimit të lidhjeve kriminale të gjyqtarëve dhe prokurorëve me kriminelë. Çfarë meraku keni që nuk pranoni të verifikohen pasuritë e gjyqtarëve dhe prokurorëve?”, deklaroi Balla.
Sipas deputetit Balla, “demokratët kanë marrë urdhër nga kryetari i partisë, mos shikoni në sy asnjë socialist mos pini kafe me asnjë socialist dhe fshini nga telefoni numrat e socialistëve”.
d.i.
