Deputeti dhe njëkohësisht Sekretari i Përgjithshëm i PS Taulant Balla ka reaguar pak minuta më parë, duke akuzuar kryetarin e PD Lulzim Basha se po përpiqet ti ikë drejtësisë duke u përpjekur që shpifjen e tij ta kthejë në qëndrim zyrtar të PD. Sipas Ballës, Basha nuk ka turp dhe as dinjitet, por kjo nuk e shpëton atë nga ballafaqimi ligjor me drejtësinë për shpifjet që ai bën.
Postimi i Ballës
Dje në Kuvend u bë publike një prej provave që e penalizon rëndë Kryetarin e Partisë Demokratike për lidhjet e drejtëpërdrejta me personat e shpallur në kërkim A.V. dhe E.V.
Në respekt të ligjit kjo provë do të depozitohet në organet e drejtësisë.
Lulëzim Basha jo vetëm që është i lidhur ngushtë me vëllain e njërit prej personave në kërkim nga Policia, por ai duhet të sqarojë publikun:
A ke njohje personale ti Lulëzim Basha edhe me personat e shpallur në kërkim?
A kanë qenë ata financues të Partisë Demokratike në aktivitete politike të saj?
A bëjnë pjesë këta persona në një anturazh të ngushtë të Lulëzim Bashës?
Përpjekja e sotme e PD që shpifjen ta kthejë në qëndrim zyrtar të Partisë Demokratike, për ta përdorur si alibi në procesin gjyqësor, nuk e shpëton dot Lulëzim Bashën!
ma.me/javanews.al
