Bashkëkryetari i komisionit për Reformën Zgjedhore, Taulant Balla , ka shprehur qëndrimin e tij se është pro një sistemi mazhoritar në zgjedhje.
Ai ka thënë se aktualisht partitë duhet të fokusohen te transparenca e tyre për të deklaruar financimet.
“Ne dhe LSI nuk jemi kundër numërimit elektronik. Për listat e hapura duhet një libër me 66 faqe për zgjedhësit. Personalisht jam pro sistemit mazhoritar. Për listat e hapura do të jetë problem numërimi i votave. Do të mungonin gratë nëse do të kishim listat e hapura”, ka thënë Balla teksa ka vënë theksin pikërisht se mandati i komisionit është fokusuar pikërisht në rekomandimet që kanë ardhur nga misioni OSBE/ODIHR.
Ky qëndrim vjen vetëm pak ditë pasi LSI i ka propozuar palëve 7 amendamente për Reformën Zgjedhore, ku një prej tyre ishte pikërisht edhe aplikimi listave të hapura në procesin zgjedhor. /express/b.d
