Kreu i Grupit Parlamentar të PS-së Taulant Balla ka folur së fundmi në rubrikën ‘Opinion’ në News 24 lidhur me procedurën për shkarkimin e presidentit Ilir Meta.
Balla pretendon se Meta e shndërroi Presidencën në një rezidencë të përkohshme të opozitës dhe sipas tij për këtë arsye duhet të shkarkohet.
‘E shndërroi Presidencën në një rezidencë të përkohshme të opozitës. Ajo që besoj gjithë shqiptarët bashkëndajnë me mua është keqardhja njerëzore dhe flas në aspektin personal, unë kam pasur mundësinë ta njoh dhe të punopjë me zotin Ilir Meta. Flas me keqardhje për atë dekradim të gjuhës të presidentit të Republikës. Me aktin Presidenti i Republikës duhet ta lirojë urgjentisht atë zyrë’, tha Balla, ndërkohë që foli edhe për këmbënguljen e kryebashkiakëve opozitarë për të mos liruar zyrat për kryebashkiakët e rinj, të dalë nga zgjedhjet e 30 Qershorit.
‘Ka një afat kushtetues për gjithë kandidatët që nuk janë më në atë zyrë. Afati është deri më 10 gusht.
Të jeni të sigurt, që unë kam bindjen edhe pse Lulzim Basha është mudnuar t’i instruktojë këto 15-16 kryetarë bashkie për të respektuar një vendim që nuk është kushtetues.
Unë besoj që brenda një jave të ardhshme, kryetarët e ri të bashkisë në pjesën më të madhe do të kenë marrë detyrën. Në çdo rast për ne janë të rëndësishme shërbimet e qytetarëve. Edhe në rastin e zgjedhjeve ne kishim parasysh zbatimin e kushtetutës.
Unë do sugjeroja që Basha të sigurojë zyrë në PD për kryebashkiakët në ikje’, deklaroi kreu i grupit të PS-së.
