Kreu i Grupit Parlamentar të PS ka reaguar në rrjetet sociale sa i përket vajtjes së Lulzim Bashës në Prokurori.
Duke ironizuar marrjen në pyetje të kreut të opozitës, Taulant Balla shtron pyetjenë nëse ai dorëzoi ndonjë provë pranë organit të akuzës.
Ndër të tjera, numri dy i PS thotë se me paratë e dëmshpërblimit për shpifje që pretendon të marrë nga Basha, do të ndërtojë një kopësht të ri për fëmijët.
“Lulzim, se sa i vendosur je ti e dine te gjithe, po ndonje prove per akuzat ndaj meje i’a dhe prokurorise? Se ne fund nuk eshte ne kazan qe ndahet e verteta, po me pas edhe ne gjykate per dem moral dhe aty do te ta mas koken mire, se me leket qe do paguash si shpifes do rindertoj nje kopesht te ri ne Librazhd o pinok” – shkruan Taulant Balla.
Ditën e sotme, kryetari i PD u paraqit pranë organit të akuzës për të dëshmuar mbi pretendimet për rastin ‘Xhisiela’.
“Thirrja e kryetarit të opozitës për tu paraqitur ne prokurori nuk është fundi i opozitës, por fundi i regjimit të Ramës. Ndaj sot kam një mesazh të qartë për Edi Ramën dhe veglat e tij qorre: PD nuk trembet dhe as nuk shantazhohet nga makinacionet politike të shtetit privat” – tha sot kryetari i opozitës ndër të tjera.
Ky i fundit qëndroi sot rreth 20 minuta në ambientet e Prokurorisë ndërsa nuk ka detaje për dëshminë e tij.
/JavaNews/b.d
