Kanë vijuar debatet në sallën e Kuvendit, ndërsa ish-kryeministri Sali Berisha ka komentuar zhvillimet e Partisë Socialiste në prag të Kongresit. Ndërsa ka folur për mungesë demokracie në PS, Berisha ka komentuar edhe kandidimin e Blushit. Ndërkohë, deputeti socialist Taulant Balla ka replikuar nga foltorja me deputetin e PD. Duke i rikujtuar kandidimin e Genc Pollos për kreun e PD përbllë Berishës, Balla tha se ai është rrahur nga polici Dritan Zagani.
“Zagani shkonte rrihte Genc Pollon pse konkuronte. Albina Karamitros nuk dihet ku është vetëm pse ti e kërcënove. Nuk po merrem me kolegun tim të Librazhdit që e degdise pas referendumit. Ku e ke Astrit Patozin? Merre pyete se ç’të tha për votimin në PD. Lulzim Bashën e ka caktuar kryetar Sali Berishës” – tha Balla.
Deputeti socialist i premtoi ish-kryeministrit një ftesë që ta ndjekë kongresin e PS nga afër për të mësuar se çfarë është demokracia brenda një partie.
“Gëzohem shumë, sepse jemi aq parti e demokratizuar saqë çështjet tona lejojmë të diskutohen edhe në sallën e Kuvendit edhe pse nuk është në rendin e ditës. Do të dërgojmë ftesë të vish në Kongres, ose ndiqe nga televizori” – tha Balla.
