Kreu i Grupit Parlamentar të PS-së Taulant Ball aka reaguar pas arrestimit të 7 personave të cilët i bllokuan rrugën dje kryeministrit Edi Rama në Librazhd, mes të cilëve janë edhe ish deputeti i PD, Aurel Bylykbashi dhe kryetari i Degës së PD-së Librazhd, Bujar Vreto.
Balla bën përgjegjës kreun e PD-së Lulzim Bashën, teksa thotë se mbrëmë bllokoi rrugën në një tentative të turpshme dhe të paligjshme
‘Lulzim Basha, njeriu që duhet të ishte hetuar e ndërshkuar me kohë për paratë e pista që ka përdorur në fushatën elektorale të 2017-ës, është urdhëruesi dhe arësyeja se pse Policia e Shtetit ka reaguar për të mbrojtur ligjin nga disa mjeranë që duhet të ndërshkohen në mënyrë shembullore, në bazë të ligjit. Lulzim Basha duhet ta harrojë se mund ta intimidojë Shqipërinë dhe Partinë Socialiste, me grupe idiotësh’, shkruan ndër të tjera Balla.
Komenti i plotë në Facebook:
Lulezim Basha, i cili vazhdon akuzon çdo kundërshtar me një gjuhë të shfrenuar balte, sot është një i pandehur me akuzë te ngritur si rrjedhojë e hetimeve amerikane, britanike dhe shqiptare.
Lulezim Basha, i cili vazhdon provokon popullin shqiptar, duke tundur dëshpërimisht flamurin e leckosur të destabilizimit, sot është një i akuzuar nga drejtesia për fallasifikim dhe deklarim të rreme të pagesave prej afro 1 milionë dollarë para ruse.
Lulezim Basha, i cili vazhdon të rrotullojë pllakën e gramafonit të tij të prishur, sot është një i akuzuar nga drejtesia, që mbrëmë në një tentative të turpshme dhe të paligjshme, ka penguar me dhunë rrugën e Kryeministrit Edi Rama dhe të Presidentit të Partisë Socialiste Europiane eurodeputetit Sergei Stanishev, teksa shkonim sëbashku nga Prrenjasi për në takimin elektoral të Librazhdit.
Lulzim Basha, njeriu që duhet të ishte hetuar e ndërshkuar me kohë për paratë e pista që ka përdorur në fushatën elektorale të 2017-ës, është urdhëruesi dhe arësyeja se pse Policia e Shtetit ka reaguar për të mbrojtur ligjin nga disa mjeranë që duhet të ndërshkohen në mënyrë shembullore, në bazë të ligjit. Lulzim Basha duhet ta harrojë se mund ta intimidojë Shqipërinë dhe Partinë Socialiste, me grupe idiotësh.
30 Qershori po vjen dhe përgjigjen e merituar të popullit shqiptar, as Lulzim Basha, as Saliu, as Monika dhe as Iliri, nuk e ndalin dot me dëshpërimin e tyre./l.m
