Sulmuesi i Real Madridit, Gareth Bale, raportohet se i ka thënë agjentit të tij se dëshiron të largohet nga klubi këtë verë.
Bale është përfolur për një largim nga Real Madridi gjatë viteve të fundit, me mundësinë e kalimit te Manchester Unitedi si opsioni më i përmendur. Jonathan Barnett, agjenti i Balet, ka thënë se futbollisti është i lumtur me klubin, por kjo nuk qëndron sipas “El Chiringuito”.
Kjo media raporton se 28-vjeçari ka kërkuar largimin nga “Los Blancos” në fund të sezonit. Për Balen interesim ka shprehur edhe Chelsea, përgatiti Koha. (b.an)
