Një sherr në familje ka degraduar deri në përdorimin e dhunës, ku babë e bijë kanë ushtruar dhunë ndaj dhëndrit të familjes, duke e bërë për spital këtë të fundit.
Ngjarja e pazakontë ka ndodhur në Lipjan të Kosovës, ku policia raporton se, një shtetas ka kërkuar ndihmë mjekësore në spitalin rajonal, pasi ndaj tij ishte ushtruar dhunë.
Pas kryerjes së hetimeve të nevojshme dhe marrjes në pyetje të viktimës, rezultoi se ai ishte dhunuar nga bashkëshortja e tij dhe babai i kësaj të fundit.
“Ankuesi mashkull kosovar ka raportuar se është sulmuar fizikisht nga bashkëshortja e tij dhe babai i bashkëshortes së tij i dyshuari mashkull kosovar. Viktima ka pranuar tretman mjekësor. Palët janë intervistuar dhe me vendim të prokurorit, rasti do të vazhdojë të hetohet në procedurë të rregullt.”, njofton Policia e Lipjanit në lidhje me rastin në fjalë.
/a.r
