Deputetja e PD-së, Majlinda Bregu e cila e ka ndjekur më vëmendje rastin e një gruaje , e cila u vra nga bashkëshorti dhe la dy fëmijë jetim në Fier, për të cilët babai vrasës kërkonte që të rriteshin në jetimore dhe jo te të afërmit e viktimës.
Bëhet fjalë për rastin e Liljana Zhezhës, e cila u hodh nga dritarja e tualetit nga bashkëshorti, ku sot gjykata i ka kaluar fëmijët e të ndierës në kujdestari të vëllait të saj. Ky është një lajm i mirë jo vetëm për Bregun e cila e ka ndjekur këtë raast, por edhe për vetë fëmijët.
“Lajmi me i mire i kesaj te hene. Dy femijet e Liljanes( Zhezha),-gruas fatkeqe qe u vra per vdekje nga burri duke e hedhur prej ballkonit,-gjykata e Fierit ia ka lene ne kujdestari dajes duke rrezuar kerkesen e babait qe femijet te rriteshin ne shtepine e femijes!
Jam e gezuar se ne kete rast drejtesia tregoi se nuk mund te jete vetem leter dhe sidomos kur behet fjale per interesin me te larte te femijes eshte dhe shpirt. Ejona dhe Albani do te rriten me dajen ne familjen e tij. Tani eshte radha e Bashkise se Fierit te mundesoje dhenien e ndihmes per kujdestarine e dy femijeve jetim.”, shkruan Bregu./b.d
