Freddy Navas, babai i portierit të Real Madridit, ka kritikuar ashpër mediat spanjolle. Ai mendon se këto të fundit dëshirojnë që portieri i ekipit mbretëror të jetë spanjoll. Babai i Keylor Navasit, Freddy, ka sulmuar mediat spanjolle. Ai mendon se shtypi në Spanjë po dëshiron që portën e klubit mbretëror ta ruaj një portier spanjoll, dhe jo një nga Amerika Qendrore. Por, ai beson se Keylor ka mbështetjen e ekipit dhe tifozëve, sidomos pas fitores së Reali Madridit ndaj Real Betisi me rezultat të thellë 5:0. “Mediat spanjolle duan të kenë një portier spanjoll në Real Madrid, ata nuk mund të pranojë një lojtar nga Amerika Qendrore. Ata e dinë se ai është më i miri, por ata nuk mund ta pranojnë atë”, ka deklaruar Freddy.
“Duke parë brohoritjet për Keylorin në Santgo Bernabeu, pas pritjes së penalltisë, sytë e mi janë mbushur me lot. Ai ka një nga detyrat më të vështira në një prej klubeve më të mëdha në botë. Ne jemi krenarë për të”, ka theksuar ai. Ai ka bërë të ditur se Keylor ka mbështetje edhe nga lojtarët e Real Madridit si Marcelo, Cristiano Ronaldo, James Rodriguez e të tjerë.
