Kamerat e sigurisë së një subjekti afër Prokurorisë së Durrësit kanë fiksuar momentin e dhunimit të avokatit Ilia Ilia dhe kanë identifikuar si autorin kryesor shtetasin Mondi Voga.
Ky i fundit është shpallur në kërkim që ditën e ngjarjes, pasi vetë i dëmtuari ka arritur ta identifikojë atë që në momentin e parë dhe ta referojë emrin e tij në organin e hetimit si person që ka lidhje me prokurorin Arjan Ndoj.
Lidhja e prokurorit me agresorin e avokatit është konfirmuar tashmë edhe me foto mes tyre. Për këtë shkak, Arjan Ndoj është person në hetim si i dyshuar se ka organizuar sulmin ndaj avokatit, me të cilin ishin konfliktuar keqas verbalisht një ditë para ngjarjes në një seancë gjyqësore.
E pasi djali i tij dhunoi avokatin Ilia Ilia, babai i Mondi Vogës flet për News24.
Kadri Voga është shprehur: Dënoj ashpër veprimin e djalit tim. Avokati Ilia Ilia është një figurë e nderuar. Djali im i shtyrë nga një prokuror kriminel. Kjo është një ngjarje e rëndë dhe e dënueshme. Prokurori Arjan Ndoji përkrah kriminelët. Ndojin e kam akuzuar për shpërdorim detyre.
Arjan Ndoji më ka marrë lokalin. Organet e drejtësisë të zbardhin ngjarjen. Do të bëj vetëgjyqësi ndaj Arjan Ndojit./a.m.
