Babai i Caroline, David Crouch, ka folur së fundmi për jetën e re të mbesës së tij Lydia, e cila mbeti pa nënë, ndërsa babai përfundoi në burg.
David foli ekskluzivisht për Mega dhe gjithashtu i është përgjigjur pyetjeve rreth dyshimit të tyre se Babis Anagnostopulos mund të ketë qenë i përfshirë në aktivitete të paligjshme.
Ai flet shumë ëmbël për mbesën e tij dhe thotë se synon ta rrisë që të duket si vajza që humbi kaq padrejtësisht, përcjell abcnews.
“Vajza është mirë dhe e lumtur. Ajo është me gjyshen e saj. Të gjithë e duan. Ajo është me Susan, ajo e merr dhe e nxjerr për shëtitje të shkurtra. Gjithçka që dua të bëj është të kujdesem për mbesën time dhe ta rris atë që të duket si nëna e saj,” ka thënë ai.
Në të njëjtën kohë, David kërkon drejtësi për vrasjen e vajzës së tij, ndërsa i referohet gjithashtu dyshimeve se Babis Anagnostopulos është i përfshirë në veprimtari të paligjshme.
“Vajza ime ishte një vajzë shumë e zgjuar dhe shumë e sinqertë. Ajo nuk do të mbështeste asgjë të paligjshme. Nëse ajo do të mësonte diçka do të kishte thënë. Dhe mendoj se mbase kjo ishte ajo që synonte të bënte. Fatkeqësisht, ajo u vra ndërsa ishte duke fjetur,” ka rrëfyer ai.
