Ai është babai i 11 fëmijëve.
Bashkëshortja nuk ndodhej në “shtëpi” ose më saktë në hapësirën që quhet shtëpia e tyre.
Artan Kruja, është vetëm 47 vjeç dhe fëmija i madh është 22 vjeç dhe më e vogla vetëm 2 vjeç. Ashtu siç edhe shihet nga pamjet, kushtet ekonomike janë përtej skamjes.
“Unë merrem me një servis kompjuterësh që i gjejmë tek hekurat, i marrim dhe i shesim ditë të shtune aty ku kemi një Pazar tek nënstacioni i vjetër i themi ne. Marrim një asistencë prej 80-mijë lekësh të vjetra, ku 69 mijë lekë na vjen afrofeja e dritave. Ujin e mbushim tek komshia sepse s’ka ujë. Që në 1992 që kur kemi ardhur këtu kemi pas pirë ujë burimi. Janë 6 frymë të paktën dy të fusi të paktën të paguaj dritat dhe të fus ujin në shtëpi se për bukë ka sërish se kanë kazanët akoma, punojmë fshehtas. Dhe s’ka si të dali fëmija që është 22 vjeç, s’ka vende pune shteti, mos të na mbajnë në takime duke na thënë hajde tani dhe hajde pas një muaji. Çfarë janë këto takime, edhe në komunale për fshesë, duhet arsimi i lartë?”, tha kryefamiljari Kruja.
Paragjykimi racial, sipas tij vazhdon ti përndjekë dhe të mos ju japë mundësinë që të integrohen.
“I kam të edukuar, me sa kam pasur takat por nuk na marrin në punë. U bë 1 vit e gjysmë që zyra e punësimit i ka emrat e kalamajve për punë, dhe puna më elementare, jo se e kemi pasur traditë ne, por të pakten në komunale në pastrim gjelbërimi. Skam lënë institucion pa bredhur dhe më thonë do të marrim në telefon do të bëjmë telefon dhe kur shkojmë atje na thonë nuk kanë dalur emrat akoma, a mendon qeveria se ku do hamë ne, jam i vet i 17”, u shpreh Kruja.
Sigurisht që babai i 11 fëmijëve ka mllef për të gjitha qeveritë, se sipas tij, ajo që atij vetë dhe familjes së tij i duhet është puna dhe infrastruktura.
“Minimalja 15 mijë lekë, po su futëm në punë ku do hash, duhet të dal me gjithë kalamajtë tek plehrat? 2 i kam në shkollë 4 km larg janë. Të paktën një furgon nga shoqata ose shteti” tha kryefamiljari.
Ashtu siç edhe shprehet, shpesh është ndihmuar nga drejtues të njësisë administrative nr 8, por sipas tij, nuk mbahet shtëpia me miell hua.
“Bashkia e vogël na ka ndihmuar, zoti Erjon Xhafa sepse e ka parë gjithë hallin dhe sistemin ku jemi ne të gjithë këtu. Nuk mbahet lagjja me ndihma sot dhe ndihma nesër, po s’më futët në punë është e kotë, edhe po të sjellësh 500 mijë lekë nuk bën hajër”, u shpreh Kruja.
Baba i 11 fëmijëve, ashtu si çdo prind kërkon mirërritjen dhe arsimin e fëmijëve të tij, për të cilën, jashtë mikrofonit shprehet se nuk do të lejojë asnjëherë që ti martojë fëmijët në moshë minorene. – See more at: http://shqiptarja.com/Sociale/2750/babai-me-11-f-mij–apel-p-r-pun–kruja-dua-t–arsimoj-f-mij-t-e-mi-413035.html#sthash.MvEEdx5Y.dpuf
