Azilkërkuesen shqiptare 23 vjeçare, e shtyp treni, fill pasi i refuzuan azilin
Tragjedia është tejet e rëndë për këtë vajzë dhe familjen e saj. Ajo humbi jetën në mënyrë tragjike në Frankfurt të Gjermanisë. Ela Haziraj 23 vjeç, ishte regjistruar tre muaj më parë në një kamp azilantësh në Gjermani bashkë me të fejuarin e saj Saimir Gjokpali.
Ngjarja, sikurse raporton “Frankfurfter Neue Presse”, ndodhi në orën 16.00 të së mërkurës në Neustadt, Marburg të Frankfurtit. Çifti bashkë me një shoqe dhome të kampit të azilantëve aplikues, ishin duke pritur trenin në stacionin e zonës. Ata sapo kishin marrë një përgjigje negative për të përfituar azil në Gjermani. Të dy u përplasën nga treni i mallrave në afërsi të stacionit. 23-vjeçarja gjeti vdekjen e menjëhershme ndërsa i fejuari i saj u plagos rëndë. Trupi i të ndjerës është dërguar nga autoritetet gjermane në morgun e spitalit lokal.
