Edhe pse marrëveshjet mes Turqisë dhe Greqisë me Bashmimin Evropian për ngritjen e kampeve për strehimin e refugjatëve kanë ulur fluksin, ende ka klandestinë nga vendet e Afrikës dhe Sirisë që tentojnë të arrijnë në Perëndim. Edhe territori shqiptar ëhstë një prej vendeve që shkelen nga këta persona pasi kalojnë Greqinë.
Me gjithë masat shtesë të marra nga Policia Kufitare, edhe me asistencën e agjencisë FRONTEX, sërish në territorin shqiptar ndalohen klandestinë të huaj thuajse çdo ditë. Vetëm në 24 orët e fundit në zonën kufitare me Greqinë janë ndaluar 13 refugjatë. Ata kishin kaluar kufirin në mënyrë të jashtëligjshme nga territori grek.
Raportohet se synimi i tyre ishte kalimi përmes Shqipërisë në vendet e Bashkimit Evropian. Burimet nga policia bëjnë me dije për JavaNews se 10 prej këtyre shtetasve u proceduan me urdhra largimi vullnetar nga territori shqiptar. Ndëkrohë, për 3 prej tyre pritet të ndiqen procedura të tjera pasi ata do të kërkojnë azil.
2 shtetas algjerianë dhe 1 shtetas sirianë, pas ndalimit nga policia në Gjirokastër, u transportuan drejt Tiranës për tu strehuar në qendrën e azilkërkuesve në Babrru./JavaNews/a.m.
