Ambasadori Amerikan Donald Lu duket se ka pasur një axhendë të ngjeshur pune që në orët e para të mëngjesit. Pas një takimi me ministrin e Brendshëm dhe me disa prokurorë, Lu mësohet t’i jetë drejtuar selisë së Partisë Demokratike për të takuar kreun e demokratëve, Lulzim Basha.
Takimi me Saimir Tahirin mësohet të jetë zhvilluar në ambientet e Hotel Tiranës, ndërkohë që kreu demokrat e ka pritur ambasadorin në godinën e ish-SHQUP, ku sot ndodhet Partia Demokratike.
Temë e takimit mes Lu dhe Tahirit mendohet të ketë qenë lufta kundër krimit, por edhe diskutime mbi kërcënimet nga terrorizmi. Ndërkohë, biseda me Bashën pritet të zbardhet nga ky i fundit sikurse ndodh pas çdo takimi.
Ndërkohë, rreth orës 11:15 pasi ka dalë nga selia e PD, ambasadori amerikan është parë të hyjë në ambientet e Kryeministrisë.
