“T’i kthejmë lavdinë Amerikës”. Kjo ishte motoja e Donald trump në fushatën elektorale dhe tashmë rrugëtimi i tij për këtë premtim nis në datën 20 Janar kur edhe kryhet ceremonia zyrtare e inaugurimit të tij.
Kur kryhet inaugurimi dhe aktivitetet
Një ditë para ceremonisë zyrtare, më 19 janar startojnë aktivitetet për inaugurimin e Trump. Duke filluar nga ora 10.35 me orën lokale (15.35 me orën në Shqipëri), pritet të zhvillohet një një marshim festiv i quajtur Zërat e Popullit.
Në orën 16.00 starton koncerti festiv me pjesëmarrës të shumtë nga e gjithë SHBA dhe zgjat për dy orë. Koncerti starton në orën 21.00 me orën në Shqipëri raporton Indipendente.
Një ditë më pas, në 20 janar kryhet ceremonia zyrtare. Në orën 15.00 me orën lokale dhe në 20.00 me orën në Shqipëri kryhet një paradë tradicionale e përurimit ku marrin pjesë presidenti Trump dhe zëvendësi i tij Pence. Parada tradicionale do të mbahet nga Pennsylvania Avenue, midis Capitol Hill dhe Shtëpisë së Bardhë, ku shumica do të jetë e hapur për publikun dhe pa biletë.
Kush merr pjesë në paradën tradicionale?
Parada përfshin bandat e shkollave të mesme, trupat policore dhe grupet civile nga i gjithë vendi. Po ashtu është thënë se të gjitha degët e ushtrisë do të marrin pjesë.
Kush do të performojë në inaugurim?
Three Doors Doën dhe Toby Keith i janë bashkuar listës së të ftuarëve me Rockettes, korit Mormom Tabernackle dhe Jackie Evancho nga “America’s Got Talent”, i cili do të këndojë himnin kombëtar.
Si ta ndiqni LIVE?
Të gjitha aktivitetet për përurimin e Trump mund t;i ndiqni në një sërë kanalesh komunikimi dhe media. YouTube, Tëitter and Facebook dhe do të transmetojnë LIVE gjithçka. Ndërkohë, ndjekësit në Evropë mund ta shohin gjithçka LIVE edhe në valët e BBC duke filluar nga ora 16.00.
Çfarë do të bëjë presidenti Obama në inaugurim?
Para ceremonisë, Presidenti në ikje Obama dhe Donald Trump do të takohen në Shtëpinë e Bardhë. Ata së bashku me bashkëshortet e tyre do të drejtohen nga Shtëpia e Bardhë drejt ceremonisë së inaugurimit./JavaNews/a.m.
