Komisioneri Avramopoulos, të enjten do të qëndrojë në Prishtinë. KTV-ja mëson se zyrtari i lartë i BE-së, gjatë një fjalimi në Kuvend, pritet që ta konfirmojë vendimin pozitiv të Komisionit për liberalizimin e vizave.
Ai do të ketë një sërë takimesh, duke përfshirë atë me presidentin Hashim Thaçi.
Një ditë më parë, të gjithë krerët shtetërorë do të qëndrojnë në Bruksel për takim me Federica Mogherinin, në ditën që do të bëhet publik vendimi për liberalizimin.
KTV-ja ka raportuar se vendimi për liberalizimin do të ndodhë më 18 korrik. (b.an)
