Komisari i BE për Migrimin, Dimitris Avramopulos ka deklaruar se mezi pret fillimin e negociatave të BE me Shqipërinë dhe Maqedoninë e Veriut.
Ai dha një mesazh për kolegët e tij të BE, se rajoni i Ballkanit Perëndimor është një zonë që historikisht, politikisht dhe kulturalisht i përket Evropës.
“Është në interesin e të gjithë Evropës që ky rajon historikisht i ndjeshëm të jetë një model bashkëpunimi, paqeje, stabiliteti dhe zhvillimi në të ardhmen e afërt”, tha Avramopulos.
“Unë pres që liderët e BE-së do të rishikojnë vendimin e tyre për të filluar bisedimet e pranimit me Shqipërinë dhe Maqedoninë veriore. Por mbi të gjitha, shpresoj që i gjithë rajoni së shpejti të jetë pjesë e Bashkimit Evropian” vijoi Komisioneri, raportojne mediat greke.
/a.r
