Komisioni i Posacëm Hetimor Parlamentar për CEZ ka nisur sot me debat mes Avokates së Përgjithshme të Shtetit, Alma Hicka dhe kryetarit te Komisionit Edmond Spaho.
Avokatja e Përgjithshme e Shtetit, Alma Hicka ka kërkuar dorëheqjen e kryetarit të Komisionit Hetimor për CEZ, Edmond Spaho me pretendimin se është në konflikt interesi, pasi sipas saj, ka kërkuar nga Policia e Shtetit marrjen me perdhunë të lrma Hickes për të dëshmuar në komision.
Në fjalën e tij, Kryetari i Komisionit, Spaho shpjegon rrethanat, ku shprehet se: “Sot kam marrë një letër nga Avokatja e Përgjithshme e Shtetit, Alma Hicka e cila i drejtohet Drejtorit të Policisë së Qarkut dhe antarëve të komisionit ku ankohet në lidhje me kërkesën që i kemi bërë Policisë së Shtetit për ta sjellë në komision.
Spaho citon pjesë nga letra ku thuhet se: “Kryetari Edmond Spaho ka urdhëruar Policinë e Shtetit ta sjelli zonjën përdhunisht. Avokatja e Përgjithshme e Shtetit, Alma Hicka”.
Në vijim, kryetari i Komisionit Hetimor për CEZ, Spaho sqaron se: “Letra bëhet nga administrata e Kuvendit dhe vetëm se është firmosur nga kryetari i komisionit. Unë e shoh përpjekjen e Avokates se Përgjithshme e Shtetit, Alma Hicka për të poshtruar Komisionin e Posacëm Hetimor për CEZ dhe më e rëndësishmja përpjekja e saj për të mos ju përgjigjur pyetjeve”. “Do t’i drejtohem kryetarit të Kyvendit dhe Kryeministrit për t’i informuar më rastin” tha Spaho.
Antari i Komisionit Hetimor për CEZ, Eduart Shalsi tha se rregullat e Komisionit Hetimor për CEZ, ligjet dhe Procedura Penale specifikojnë mënyrën e marrjes së dëshmive nga dëshmitari. “Avokatja e Përgjithshme e Shtetit, Alma Hicka është marrë më forcë dhe është kërcënuar, prandaj është e pamundur që të vijojmë më tej tu përgjigjemi pyetjeve”, tha Shalsi./b.d
