Saimir Visha, avokati i Altin Ndocit ka deklaruar se klienti e tij nuk ka përdorur kurrë makinë top “Toyota” dhe nuk e njeh bashkëpunëtorin, Klevis Alla.
Për “Abc News” ai është shprehur se Prokuroria nuk ka prova për Ndocin, si të përfshirë në vrasjen e dy vëllezëve Haxhia.
“I mbrojturi prej meje e mohon në mënyrë kategorike pjesëmarrjen në këtë krim, për dy arsye: e para nuk ka pasur motiv, ka pasur lidhje të forta dhe miqësore me ta.
Ndërkohë bashkëshortja e një prej viktimave me bashkëshorten e klientit tim kanë një marrëdhënie shumë të afërt.
Pasi kanë mësuar nga mediat për ngjarjen, i mbrojturi prej meje me bashkëshorten kanë marrë pjesë në mort. Është e paimagjinueshme që pas një ore sa mësuan vrasjen të marrin pjesë.
Unë në seanca nuk pashë asnjë provë të depozituar nga prokuroria. Unë i qendroj të gjithë pretendimeve që ka pasur i mbrojturin prej mejë për mos përfshirjen në këtë vepër penale.
Makina që bëhet fjalë është “Toyota”, ndërkohë i mbrojtur prej meje nuk ka përdorur asnjëherë një makinë të tillë, përveç Ford”, deklaroi Visha.
Ditën e sotme, Gjykata e Durrësit ka dhënë masën e sigurisë “arrest me burg” për Altin Ndocin dhe Klevis Allën, të cilët akuzohen për vrasjen e dy vëllezërve Haxhia (Besmirit dhe Viktorit) dhe për ezektutimet e Anxhelo Avdisë e Dorian Shkozës.
Seanca në Gjykatën e Durrës u zhvillua nën masa të rrepta sigurie. Ndërkohë Dosja.al zbuloi detaje nga dosja e Prokurorisë.
Mësohet se detaji që ka fundosur autorët është një pjesë xhami e ‘Toyota-s’ me xhama të zinj, që atentatorët përdorën gjatë vrasjes. Kjo e fundit u gjet në vendgjarje.
Po kështu, makina është kapur edhe nga kamerat e sigurisë së një subjekti aty pranë.
