Avokati thirrje gjykatës të shqyrtojë kërkesën: Mark Frroku të çohet si i pandehur në Belgjikë
Sajmir Visha, avokati mbrojtës i deputetit kristian-demokrat, Mark Frroku, i cili aktualisht ndodhet në burg i akuzuar si i përfshirë në çështjen e mashtrimit ‘Doshi’ si dhe me akuzën e vrasjes së një bashkëkombësi vite më parë në Belgjikë, i ka bërë thirrje ambasadës amerikane të monitorojë procesin ndaj Frrokut, i cili sipas tij është nënshtetas amerikan.
Visha ka deklaruar se Gjykata e Lartë është duke zvarritur shqyrtimin e kërkesës së bërë prej avokatëve, që Mark Frroku të mos gjykohet të Shqipëri, por të çohet si i pandehur në Belgjikë. Ai i ka bërë thirrje kësaj gjykate që të ndërpresë pushime dhe të shqyrtojë kërkesën e paraqitur, pasi është në tejkalim të afatit, që ka qenë data 10 gusht.
