Burime nga Policia thanë se ngjarja ka ndodhur mbrëmjen e së mërkurës, rreth orës 18:30, në rrugën “Mine Peza”, pranë Prokurorisë së Tiranës.Burime nga “Panorama”, thonë se personi që shkaktoi këtë aksident, është avokati Robert Karati, i cili edhe pse nga ana e efektivëve të Policisë Rrugore, u dyshua se mund të ishte në gjendje të dehur, ka refuzuar të bëje testin e alkoolit.
Madje mësohet se mes tij dhe efektivëve të Qarkullimit e atyre të Komisariatit nr.3 ka pasur edhe një debat për shkak të refuzimit të testit të alkoolit.Për këtë arsye, burimet thanë se i kanë marrë një analizë gjaku, e cila do të ekzaminohet për të mësuar nëse ka qenë nën efektin e alkoolit apo jo.Policia ka vendosur procedimi i tij në gjendje të lirë, derisa të dalë një vendim mjeko-ligjor, raporton “Panorama.al”.Burimet thanë se avokati Robert Karati, ka qenë duke drejtuar mjetin e tij tip “Land Rover”, me targë TR 3872 L, kur ka përplasur tri makina e parkuara.Mjetet që ai ka dëmtuar me fuoristradën e tij, janë makinat e shtetasve Rinelda Z., Admir Xh. dhe Sergen R. Pas aksidentit ai ka lënë mjetin e tij dhe është larguar nga vendngjarja, por është ndaluar disa metra më tej.
