Avokati i pilotit italian që u rrëzua me avion në Ishëm deklaron se, ndaj Guido Andrea Guidi nuk ka asnjë masë sigurie.
Aleksandër Ndrejaj duke folur për “News24”, nuk ka dhënë shumë detaje për vendndodhjen e italianit.
Avokati nga ana tjetër shtoi se, Guidi është në dispozicion të hetimeve dhe verifikimeve që po kryen Prokuroria.
Avokati në fund theksoi se, piloti italian nuk është i përfshirë në trafik droge dhe sipas tij nuk ka deklaruar asgjë të kundër para prokurorëve.
Nga ana tjetër, gazetarja Klodiana Lala tha se sipas informacioneve të saj, piloti ndodhet në ambientet e Policisë së Durrësit.
Intervista
Eni Vasili: Ju jeni një avokat i caktuar kryesisht apo me kërkesë të Guidit?
Avokati: Jam thirrur nga punonjësit e policisë dhe prokurorisë pastaj mora kontakte me Gudin
Eni Vasili: Si keni kontaktuar me të?
Avokati: Në prezencë të përkthyesit, është zbatuar kodi i procedurës penale
Eni Vasili: Pse jeni zgjedhur ju, ka pasur ndonjë preferencë?
Avokati: Cdo person që merr në pyetje është pjesë e procedurës
Eni Vasili: E kemi parë me pantallona të shkurta dhe këmishë ashtu vazhdon akoma Gudi?
Avokati: Kishte rroba me vetë, kishte një çantë
Eni Vasili: Pra nuk iu ka kërkuar juve rroba?
Avokati: Jo nuk më ka kërkuar
Eni Vasili: Si po trajtohet? Ka pasur ndonjë kërkesë?
Avokati: Jam konsultuar me Gudin, kam folur me vajzën dhe djalin si dhe me avokatin e tij në Itali
Eni Vasili: Çfarë ju thanë ata?
Avokati: Janë të shqetësuar se mediat italiane e kanë bërë tragjike situatën
Eni Vasili: A do të vijnë në Shqipëri?
Avokati: Po do të vijnë, sot kam kontaktuar me djalin nuk e di se kur…
Eni Vasili: Nuk doni ta thoni?
Avokati: No coment…për të ruajtur privatësinë
Artan Hoxha: Me sa jemi në dijeni, familja e Gudit ka një studio avokatore që po përgatit mbrojtjen atje do bashkëpunojnë me ju apo do ndjekin një formulë tjetër?
Avokati: Në momentet e tanishme studion në Itali dhe fëmijët e tij i informoj unë. Në rast se do na nevojitet do kemi edhe dy avokatë të tjerë për mbrojtjen
Artan Hoxha: Sa kontakte keni pasur me pilotin?
Avokati: E kam takuar pilotin Guido Guidi 3-4 herë
Artan Hoxha: Në çfarë gjendje juridike ndodhet? Keni dijeni për ndonjë status të panduari, bashkëpunëtori dhe për çfarë arsye i është hequr pasaporta?
Avokati: Ai ka dhënë deklarimet e momenteve fillestare, sipas procedurës jemi në pritje të akuzave dhe dyshimit të arsyeshëm ngritur mbi prova.
Artan Hoxha: Ka masë sigurie për të?
Avokati: Jemi në pritje
Artan Hoxha: Në çfarë mase sigurie ndodhet klienti juaj?
Avokati: Është pjesë e hetimeve që bën prokuroria…
Klodiana Lala: Ka ndonjë akuzë të paktën për shkeljen e hapësirës ajrore?
Avokati: Nëse do kishte masë do kishte dalë brenda 72 orësh
Klodiana Lala: Na sqaroni ku ndodhet të dimë për fatin e tij?
Avokati: Është shëndoshë e mirë
Artan Hoxha: Në duam të jetë i sigurt, të mos ndodhë si në rastin e një shtetasi turk, pra të mos kërcënohet nga trafikantët…të dimë që është në masë sigurie…
Avokati: Është në dispozicion dhe mund të thirret nga prokuroria në çdo moment.
Panorama/d.i.
