Vrasja e 29-vjeçares shqiptare nga babai i saj në Korfuz ndodhi pas një sherri të çastit. Këtë version parashtroi për mediat greke avokati i Aleko Petros, shqiptarit që goditi për vdekje me sende të forta vajzën e tij, natën e 1 Janarit.
“Vrasja nuk ishte e paramenduar dhe Aleko Petro nuk ishte nën efektin e alkoolit gjatë kryerjes së krimit. Pas debatit që kishin mes tyre, ai e goditi vajzën pas koke me një levë që ndodhej pranë sobës. Vajza u hodh nga dritarja nga lartësi 2 metra që të shpëtonte. Aleko e ndoqi dhe finalizoi aktin kriminal sepse i ishin errur sytë”.
Avokati thotë se 52-vjeçari është penduar për krimin, qan vazhdimisht dhe nuk kërkon rrethana lehtësuese për krimin. Sipas avokatit, ngjarja e tmerrshme ndodhi nga dashuria e tepruar e babait për të bijën, ndërsa mohon se ngjarja ka motive raciste. Aleko Petro kundërshtonte lidhjen e të bijës me afganin vetëm sepse Anxhelina ishte larguar nga të afërmit prej Nëntorit të 2017-ës.
Qeni besnik i Anxhelinës, sipas mediave greke, zbuloi për policinë vendin ku i ati e kishte varrosur pasi e goditi 7 herë në kokë me shufër hekuri.
/a.rada
