Zgjedhja e Avokatit të Ri të popullit ka ngelur pezull në Kuvendin e Shqipërisë, pas mos-dakordësisë së palëve për zgjedhjen e Ledio Brahos, dhjetorin e vitit të kaluar. Sakaq, disa mos-dakordësi të tjera janë duke u shfaqur, këtë herë jo mes PS-së dhe PD-së, por demokratëve në vetvete.
Gazment Bardhi, ish-kreu i Grupit Parlamentar të PD-së i ka kërkuar Kryetares së Parlamentit Lindita Nikollës rinisjen e procedurave për avokatin e Ri të Popullit. Një proces transparent dhe kandidaturë dinjitoze është propozuar prej tij.
Bardhi: Grupi Parlamentar i Partisë Demokratike shpreh gatishmërinë për t’u përfshirë në një proces parlamentar dialogu midis grupeve parlamentare të PS dhe PD, me lehtësimin e Kryetares së Kuvendit, duke propozuar dhe përcaktuar bashkërisht një procedurë transparente që mundëson gjetjen e konsensusit. Ne propozojmë ndërtimin e një procesi transparent dhe demokratik për përzgjedhjen e një kandidature dinjitoze për funksionin kushtetues të Avokatit të Popullit.
Në anën tjetër, pak minuta më parë, nënkryetarja e PD-së, Oriola Pampuri nënvizon se asnjë kërkesë nuk është bërë prej PD-së mbi këtë çështje. Pampuri shkruan në një postim në Facebook, se “pazare politike nën petkun e negociatave nuk është qasje dhe as vullnet i PDSH” dhe njësoj si Bardhi thekson rëndësinë që duhet të ketë përfaqësuesi i këtij institucioni.
Oriola Pampuri: Sqarim publik!
Mediat kane shperndare sot nje njoftim sipas te cilit pretendohet se Partia Demokratike, i paska kerkuar Lindita Nikollit dhe Bledar Cucit, te negocioje per zgjedhjen e Avokatit te Popullit.
Sqarojme opinionin publik, se Partia Demokratike dhe perfaqesuesit e saj ligjore ne institucionin e Kuvendit, nuk kane shprehur asnje qendrim e as kane autorizuar ndokend qe jashte vullnetit politik te saj te neperkembe qendrimin dhe vullnetin politik te PDSH, e bashke me te edhe te kompromentoje legjitimitetin e zgjedhjes se nje institucioni te pavarurur kushtetues sic eshte Avokati i Popullit.
Asnje perpjekje apo shfaqje vullneti per tu futur ne pazare politike nen petkun e negociatave nuk eshte qasje dhe as vullnet i PDSH, por është thjesht dhe vetëm një pazar për interesa personale.
Zgjedhja e drejtuesit të një institucioni të pavarur kushtetues sic është edhe avokati i Popullit, nuk ka nevojë për pazare individuale, por për proces të hapur e transparent, për një konsensus te gjerë jo vetem politik por edhe qytetar rreth personit që mund të përfaqesoje dhe mbrojë më mirë interesat tyre
PDSH denoncon e refuzon cdo pazar te maskuar si negociate. Kompromisi për avokatin e popullit duhet të behet rreth figures, personatitetit dhe integritetit që mban kandidati i propozuar dhe jo pazareve te individeve te ndryshëm për qellime dhe interesa qe nuk lidhen ne demokratet dhe PDSH.
15 kandidatë janë miratuar duke plotësuar kriteret kushtetuese nga Komisioni i Ligjeve, por asnjë prej tyre nuk ka marrë firmat e 28 ligjvënësve.
Mazhorancës do t’i mjaftonin vetëm votat PD-së për të zgjedhur Avokatin e ri të Popullit me shumicë të cilësuar 84 vota.
Erinda Ballanca vijon të mbajë jashtë mandatit detyrën e Avokatit të Popullit.
