Një përfaqësues i Avokatit të Popullit ka shkuar ditën e sotme në familjen e minoritarit të vrarë në Bularat të Gjirokastrës, Kostandinos Kacifas.
Ai tha se qëllimi i vizitës është garantimi i një hetimi të pavarur administrativ.
“Të mbledhim të dhëna lidhur me ngjarjen dhe nga ana tjetër do të konkuldojmë. Morëm të dhëna me interes për hetimin në vijim. Jemi në dijeni të faktit që me kërkesë të familjarëve të të ndjerit dhe të dispozitave të kodit të procedurave penale, kanë kërkuar kryerjen e ekspertimit mjeko ligjor, është sugjeruar dhe një ekspert kiminaliast grek. Tashmë është detyrë e institucioneve tona pasi duhen mbrojtur të drejtat e viktimës në procesin penal”, u shpreh përfaqësuesi i Avokatit të Popullit.
Më tej ai e cilësoi si të drejtë e familjarëve të vazhdojnë ekspertimet me ekspert mjeko ligjor, pavarësisht ekspertizës së kryer nga pala shqiptare.
Ai tha se procedura penale shqiptare sqaron faktin se mbrojtësit e viktimës kanë të drejtë të marrin të gjithë aktet, qoftë kriminalistike dhe mjeko ligjore.
Kostandinos Kacifas mbeti i vrarë pasditen e kësaj të diele gjatë shkëmbimit të zjarrit me policinë në Bularat të Gjirokastrës, teksa ishte i rrethuar.
Gjithçka pasi më herët 35-vjeçari kishte qëlluar në ajër në fshat dhe më tej kur policia ishte vënë në ndjekje, kishte shkrepur armën dhe ndaj uniformave blu.
Kacifas prej pak ditësh ishte kthyer në Gjirokastër pasi jetonte në Athinë. Ai ishte i divorcuar dhe kishte një vajzë 13 vjeçe.
Po ashtu bëhet me dije se në vitin 2009 ai ishte arrestuar nga policia greke në periferi të Athinës, për trafik droge.
/b.d
