Nuk ka asnjë video apo provë për akuzat ndaj deputetit Tom Doshi për kallëzim të rremë. Kjo është bërë e ditur sot nga avokatët e Doshit, në dalje nga Prokuroria e Krimeve të Rënda.
Avokatët e Doshit kanë deklaruar se në sendet e sekuestruara nuk ka asnjë video apo regjistrim që inkriminon deputetin e Shkodrës.
Ditën e sotme, për 2 orë e 30 minuta deputeti Doshi u mor në pyetje “si person në hetim”, në Prokurorinë e Përgjithshme.
“Në sendet esekuestruara nuk ekziston asnjë fakt inkriminues për Doshin. S’ka asnjë video apo regjistrim”, u shprehën avokatët.
Ata kanë depozituar në Gjykatën e Lartë kërkesën për ndryshim të masës së sigurisë për deputetin, i cili ndodhet në “arrest shtëpie”.
Redaksia Online
(Javanews.al)
