Dhoma e Avokatisë së Vlorës, nëpërmjet kryetarit të saj, është prononcuar publikisht mbi keqfunksionimin dhe keqmenaxhimin e Kadastrës së Vlorës.
Përveç denoncimit, avokatët shpresojnë edhe në sensibilizmin e opinionit dhe institucioneve që, sipas tyre, duhet të marrin masa për Kadastrën e Vlorës, të cilën e cilësojnë si vatër të abuzimit dhe korrupsionit në trajtimin e pronave të paluajtshme.
Madje, kryetari i Dhomës së Avokatisë së Vlorës ka shkuar edhe më tej, duke i bërë thirrje SPAK-ut që të veriifkojë të kaluarën e ish-drejtuesve të kësaj Kadastre.
Kadastra e Vlorës mund të cilësohet si institucioni që ka ndërruar më shumë drejtues se çdo lloj institucioni tjetër, pa llogaritur dorëheqjet brenda disa ditësh pas marrjes së detyrës.
