Një aeroplan i vogël turistik u rrëzua këtë mëngjes midis Lentini dhe Carlentini, në provincën e Sirakuzës, në Itali.
Pas impaktit me tokën aeroplani u përfshi nga zjarri duke shkaktuar vdekjen e dy personave që ndodheshin në bord, një instruktor ekspert dhe një nxënës.
Aksidenti i ‘Tecnam P2002’ ndodhi gjatë një fluturimi stërvitor.
Viktimat janë Stefano Baldo, 53 vjeç, ish pilot i Alitalia dhe ish-pilot dhe instruktor i Marinës pas diplomimit në Akademinë Detare të Livornos, dhe Gioele Bravo, 20 vjeç.
Shkaqet e aksidentit nuk dihen ende, por dihet vetëm se teksa ishte në lartësi njëmijë metra, papritmas avioni humbi lartësi dhe u rrëzua në tokë.
Përveç policisë dhe zjarrfikësve, zyrtarë të Agjencisë Kombëtare të Sigurisë së Fluturimit mbërritën në vendngjarje për të inspektuar mbetjet e avionit kurse prokuroria e Sirakuzës ka nisur hetimet. /e.s/
