ZVICER – Një avion zviceran i Luftës së Dytë Botërore, Ju-52 HB-HOT, i cili përdoret për udhëtime turistike është rrëzuar në zonën e Piz Segnas, në Alpe.
Sipas burimeve të para nga kompania ajërore, e cila ka publikuar lajmin në faqen e saj në web nga rrëzimi ka edhe viktima. “Edhe pse është shumë e trishtë për ne, duhet t’ju informojmë se një nga avionët tanë, Ju-52 ka pësuar një aksident.
Mendohet të ketë viktima. Për momentin nuk kemi informacione të tjera”- shkruhej në faqen e internetit të kompanisë.
Kapaciteti i avionit është për 17 pasagjerë dhe 3 ekuipazh. Aksidenti ka ndodhur ditën e shtunë por është mbajtur i fshehtë deri mëngjesin e sotëm. Avioni i përkiste kompanisë zvicerane Ju-Air dhe ishte prodhuar ndërmjet viteve 1921-1952 shkruan Tg.com.
Kujtojmë që ditën e djeshme ndodhi në tjetër aksident, ku një avion i vogël u rrëzua në një pyll në Zvicrën qëndrore ndërsa mbetën të vdekur katër anëtarët e një familjeje, përgatiti BW.
