Dëshmi të reja dalin në lidhje me atë që ndodhi me avionin rus Airbus i cili u rrëzua javën e shkuar në Sinai të Egjiptit duke shkaktuar vdekjen e 224 pasagjerëve.
Sipas një eksperti egjiptian emri i të cilit nuk bëhet i ditur, pas një ekzaminimi të natyrës së lëndimeve që pasagjerët kanë marrë në përplasjen e avionit rus, ka indikacione se mund të ketë ndodhur një shpërthim në avion gjatë fluturimit, përpara se avioni të rrëzohet në tokë, raporton “Sputnik”
“Një numër i madh i gjymtyrëve të pasagjerëve japin indikacione se një shpërthim i fuqishëm kishte ndodhur në bord përpara se avioni të përplasej në tokë”, ka thënë ai.
Më 31 tetor, avioni i tipit “Airbus A321”, i drejtuar nga aviokompania ruse “Kogalymavia” është përplasur në Sinai të Egjiptit, duke lënë të vdekur 224 persona, përshirë edhe ekuipazhin.
