Një avion i kompanisë “Blu Panorama”, i cili udhëtonte nga Tirana në Malpensa të Italisë, ka bërë ulje të deyruar në Ancona.
Ngjarja ka ndodhur pak para orës 11:00 të paradites së sotme. Avioni i mbërritur nga Tirana po fluturonte mbi aeroportin “Falconara”, në Ancona, kur ka lëshuar sinjalin SOS.
Autoritetet kanë marrë masa duke liruar pistën, ndërsa janë lajmëruar edhe ekipet zjarrfikëse dhe ambulanca, shkruajnë mediat italiane.
Avioni, i cili kishte probleme komande, është ulur në pistë, ndërsa pasagjerët kanë qenë në panik. Fatmirësisht nuk ka të lënduar./a.m.
