Pesë automjete janë përplasur njëra pas tjetër në autostradën Tiranë-Durrës. Sipas policisë, ngjarja ka ndodhur rreth orës 18:20 dhe për pasojë një pasagjerë ka mbetur e plagosur.
“Më datë 25.09.2021, rreth orës 18:20, në autostradën Tiranë-Durrës, janë përplasur 5 mjete e për pasojë është lënduar pasagjerja e njërit mjet, shtetasja S.M., e cila ndodhet nën kujdesin e mjekëve”, thotë policia.
Ndërkohë grupi hetimor ndodhet në vendngjarje dhe po punon për zbardhjen e rrethanave të aksidentit.
