“Çdo gjë në kohën e duhur”. Kështu ka deklaruar presidenti Ilir Meta, i pyetur në lidhje më dhënien e autorizimit për finalizimin e marrëveshjes së Detit.
Kreu i shtetit uroi 7 marsin në shkollën “Fan Noli”, por nuk preferoi ti mbivendosë Ditës së Mësuesit çështje politike.
Pyetje: Ministri Bushati u shreh dje se do t’u japë informacione shteruese, ju jeni i kënaqur për këtë zoti Meta pasi kishit kërkuar më parë më shumë informacione?
Meta: Nuk e di nëse zoti Bushati ka qenë tek shkolla “Fan Noli”. Por mendoj që shkolla “Fan Noli” na ka mësuar gjithmonë që çdo gjë në kohën e duhur.
Meta bëri një apel për një bashkëpunim më intensiv mes shkollës dhe familjes, referuar dhe ngjarjeve të ndodhura në shkolla, apo ambientet afër tyre.
“Për të evituar sidomos dështimin e nxënësve në të ardhmen, sot është koha për të bërë një apel të fortë për një bashkëpunim më intensiv mes shkollës dhe familjes, siç dhe ka qenë në të kaluarën, sepse familja ka një rol shumë të rëndësishëm për edukimin e fëmijëve dhe për të ndjekur mbarëvajtjen e tyre në shkollë. Pasi shkolla sot është ambient më i ekspozuar ndaj disa fenomeneve që janë serioze dhe shqetësuese për të rinjtë, fëmijët, familjet tona dhe shoqërinë tonë”, tha Meta.
a.ç
