Nuk do të ketë tifozë për ndeshjen mes Shqipërisë dhe Anglisë që do të zhvillohet më 28 mars në stadiumin Air Albania.
Autoritetet shëndetësore nuk e pranuan kërkesën e Federatës Shqiptare të Futbollit që të lejonin 30% të kapacitetit që ka kjo arenë futbolli, ose rreth 6500 spektatorë.
Ministria e Shëndetësisë i kujtoi FSHF-së se për shkak të Covid-19 nuk lejohen grumbullimet e më shumë se 10 personave.
Federata e kishte bërë këtë kërkesë duka parë rëndësinë e takimit që vlen për kualifikueset e Kupës së Botës 2022.
/a.r
