Ministri kosovar i Drejtësisë, Hajredin Kuçi, priti sot në takim Shefin e Operacioneve Civile të Bashkimit Evropian, Kenneth Dean, Shefin e Zyrës së BE-së në Kosovë, Samuel Zbogar dhe Shefin e Misionit të Bashkimit Evropian në Kosovë, Gabrielle Meucci.
Ministri Kuçi në takim ka qenë i shoqëruar nga Kryeprokurori i Shtetit, Aleksandër Lumezi, Kryesuesi i Këshillit Gjyqësorë të Kosovës, Nehat Idrizi dhe nga Kryesuesi i Këshillit Prokurorial të Kosovës, Blerim Isufaj
Njoftimi dërguar sonte nga Ministria e Drejtësisë e qeverisë së Kosovës thekson se, gjatë këtij takimi, përfaqësuesit nga te dyja anët kanë prezantuar pozicionet e tyre lidhur me të ardhmen e mandatit të EULEX-it në Kosovë./a.m.
