Një pikë e këmbimit valutor në Tiranë ka rënë pre e një grabitje nga një person i maskuar. Ngjarja ka ndodhur në Kombinat rreth orës 20:10.
Sipas Policisë së Tiranës, autori ka qenë i veshur me bluzë të kuqe dhe i maskuar, teksa dyshohet se grabitja ka ndodhur nën kërcënimin e një pistolete lodër.
Autori mori një shumë parash dhe u largua. Grupi hetimor ndodhet në vendngjarje dhe po punon për identifikimin dhe kapjen e autorit.
/a.r
