“Detajet tronditëse të krimit në Peristeri – “Autori ishte mik”. Me këtë titull, mediat greke zbulojnë të tjera detaje nga masakra ndaj familjes shqiptare në lagjen Persiteri të Athinës më 3 shkurt, kur u ekzekutua gruaja 50-vjeçare dhe sot humbi jetën në spital burri 53-vjeçar.
Pyetjeve pa përgjigje rreth ngjarjes duket se i jep drejtim motra e viktimës, e shqiptarit 53 vjecar. Në një rrëfim për mediat greke ajo thotë se një nga autorët është mik i familjes.
Motra duke folur për Alpha, e quan masakrën një grabitje, ndërkohë që flet shqip e thotë se një gjë të tillë mudn ta bëjë vetëm dikush që e njihte mirë familjen.
“Kjo ishte sigurisht grabitje. Ai dikush ishte i njohur. Këto gjëra bëhen nga shoqëria, njerëz që të hyjnë e të dalin, ndonjë maskara, që ka pandehur se kishte lekë, ndonjë që konsiderohej si mik”- thotë ajo raporton panorama, duke shtuar se paratë që u raportuan të vjedhura ishin për djalin 28-vjeçar të familjes që është i sëmurë.
Personi i fundit që pa autorët ishte djali 28-vjeçar i familjes. Për fat të keq, ai ka pak gjasa të ndihmojë policinë, pasi vuan nga prapambetja mendore./a.m.
